NederlandsTryater spilet: Foekje
Foekje
Nije perspektiven op it ferhaal fan de Fryske hurddraafleginde
Foekje Dillema, ‘de Friese stoomwals’ út Burum. Ein jierren ’40 ferplettere se út it neat wei har konkurrinsje yn it ynternasjonale hurdrinsirkwy. Yn 1950 soe se as grutte kânshawwer dielnimme oan it EK yn Frankryk. Mar dêr kaam it net fan: der waard twivele oft de flugge plattelânske wol in frou wie. De krekt ynfierde seksetest wegere se. Foekje waard foar it libben skrast. Har olympyske dream yn de knop brutsen. Oer dit yngripende libbensbarren swijde se oant har dea ta. Wie dat út skamte? Ut grutskens? Of ferset? Moatte wy dan ek swije?
De foarstelling Foekje is in muzikale, emosjonele rekonstruksje fan Foekje har libben. Ferskate personaazjes besykje bleat te lizzen wat Foekje ús hjoed-de-dei te fertellen hat. Hoe is it om útsletten te wurden om wa’st bist, yn de sport en yn ’e maatskippij? En wat seit har ferhaal oer ús, oer wa’t wy binne?
Yn de Sporthal fan Akkrum fiere wy Foekje har eksplosiviteit, fearkrêft en ûnfersetlikheid.
Kaarten bestelle
Tagongspriis: € 22,50. De kaarten foar Foekje binne fan moandei 8 april ôf te keap by Bakker Boonstra yn Akkrum. Se kinne no al fia de webside fan Tryater besteld wurde:
Oer Foekje
Spul: Lourens van den Akker, Nynke Heeg, Caroline Mgata, Stijn Schootstra
Slagwurk: Julia Ramos
Regy: Jos van Kan
Tekst: Kees Roorda
Muzyk: Wiebe Gotink
Foarmjouwing: Jan Ros
Kostúmûntwerp: Mathilde van der Hoop
Ljochtûntwerp: Bart Schurer
Toegankelijkheid
- Taal: De voorstelling is overwegend Friestalig. Nederlandse ondertiteling is aanwezig.
- Ringleiding: Bij Foekje is gehoorondersteuning in de vorm van een ringleiding (met en zonder hoortoestel) beschikbaar voor mensen die slechthorend zijn.
- Tolk Nederlandse gebarentaal: Er is een tolk Nederlandse gebarentaal beschikbaar via smart glasses.
- Audiodescriptie: Er is audiodescriptie beschikbaar voor mensen die slechtziend of blind zijn.
