Kultuer yn eigen doarp. Dêr set Dreamteater Akkrum har graach foar yn. Want kultuer libbet by de ynwenners fan Akkrum en Nes. Mei-inoar wat moais delsette; fan toaniel oant muzyk, fan teater oant in festival, binnen en bûten, meastal yn it Frysk, soms yn it Nederlânsk, foar jong en âld. By Dreamteater Akkrum kin it. Sa helje wy nijsgjirrige produksjes nei Akkrum ta of we meitsje se sels. Mar we dogge it altyd mei-inoar. Dat is mienskip, dat is Dreamteater Akkrum.