Bern yn de spotlights!
Bern yn de spotlights!
Dreamteater Akkrum set útein mei toaniellessen foar bern fan de basisskoallen.
Op tongersdei 21 maart gean de earste toaniellessen foar bern fan de groepen 6,7,8 fan de basisskoallen fan start yn de boartersseal fan de Brede Skoalle. Foar de toaniellessen is Femke Vliegendehond, in ambisjeuze, fleurige dosinte oanlutsen. Femke is gjin ûnbekende foar it Dreamteater Akkrum, want se wie as rezjyassistinte ek belutsen by it Iepenloftspul ‘ De Heksen ’ yn de simmer fan 2023. Femke sil op har beurt wer assistearre wurde troch Joke Poortman. Mei de toaniellessen foar bern wurdt in âlde aktiviteit fan it Dreamteater wer yn it libben roppen. Oant de Corona-perioade waard der 2 kear yn it jier in syklus fan 10 toaniellessen oanbean oan bern út de âldste groepen fan de basisskoallen. We binne bliid dat dit no wer úteinsette sil.
Lykas oare jierren, wurdt ek no de searje lessen ôfsletten mei in selsmakke foarstelling foar âlden, famylje en oare belangstellenden.
Toaniellessen
Foar wa: ​​Bern út groep 6,7 en 8
Wat: ​​​Toaniel / Drama-lessen
Wannear: ​​Alle tongersdeitemiddeis fan 15.00 - 16.00 (10x)
Wêr: ​​​Boarterseal Brede Skoalle
Kosten: ​​€ 30, - (bern fan de BSO € 25, -)
Opjefte foar Freed 15 maart fia dizze webside