Bern yn de spotlights!

IT GIET OAN!

Op freed 17 jannewaris 2025 set Dreamteater Akkrum wer útein mei toaniellessen foar de bern fan de basisskoalle.

Regisseur Sjoerd Blom sil de toaniellessen dit jier foar syn rekken nimme en dêr binne we hiel wiis mei. Sjoerd is in tige betûft en profesjonele teatermakker en teaterdosint. Hy is ek de regisseur fan ús 'grutte minsken' - toanielstik 'Stokjes' dat op 31 jannewaris yn de Lantearne yn premjêre giet.

Wy besykje twa lesgroepen foar de bern gear te stallen; ien foar de groepen 5/6 en ien foar de groepen 7/8. De maksimum-grutte fan de beide lesgroepen is 15 bern. Oan de ein fan de 10 lessen meitsje wy in foarstelling dêr't âlden, famylje en oare belangstellenden fan herte foar útnûge wurde.

Yn febrewaris sette we ek útein mei toaniellessen foar de jongerein fan it foarset ûnderwiis, dit neame we de 8+groep. Mear ynformaasje oer dizze groep folget ynkoarten. Wolstdo meidwaan mei dizze groep? 

Opjefte kin no al. 

De kosten foar de 10 lessen fan in oere hawwe wy ferheegje moatten nei €50,00. Dit hat te krijen mei in ferheging fan de kosten foar de regisseur en de hier fan de lokaasje. Wy geane derfan út dat jo hjir begryp foar hawwe.

De lessen sille plakfine op freedtemiddei tusken 14.00 en 17.00 oere yn de sportseal fan de brede skoalle. Eksakte data en tiden fan'e toaniellessen krije jo op'e tiid foar de start op 17 jannewaris trochjûn.

Wy hoopje jimme allegear wer te moetsjen by de toaniellessen.