NederlandsKAAI Teaterkuier
Kaai, in teaterkuier oer de oarloch yn Akkrum
Yn lytse groepen kuieret it publyk nei ferskate lokaasjes om de Kanadeeskestrjitte hinne. Dêr spilet Dreamteater de yndrukwekkende ferhalen fan minsken dy't de Twadde Wrâldoarloch yn Akkrum meimakke hawwe, lykas fersetsman Sjerp de Vries, koerierster Akke Groen en boargemaster Van Baerdt van Sminia, dy't in grutte rol spile binnen it ferset yn ús doarp.
Kaai wurdt regissearre troch Job de Roo, dy't ek de regisseur wie fan it iepenloftspul Heksen yn Akkrum. Ferline jier makke er in soartgelikense foarstelling as Kaai oer de oarloch yn Wâldsein. Dat wie dêr doe in grut sukses en der kaam in soad publyk op ôf. Kaai is net allinnich in teatrale reis troch de oarlochsskiednis fan Akkrum. Mar de foarstelling bringt ús ek tichter by krekt dy doarpsgenoaten, dy't in hiel soad offers brocht hawwe foar ús frijheid. Kaai wurdt spile troch door: Nynke Bergsma, Hielke Hijlkema, Ruud van Doorn, Anneke Wiersma, Klaas Zijlstra, Benthe de Jong en Pieter Engelsma
Data
Kaai wurdt spile op 11,12,13,18 en 19 april. De start is by Grandcafé Goerres oan de Kanadeeskestrjitte 45. Om it kertier giet in groep fan 25 minsken op paad. Jo kinne sels jo start-tiid kieze by de reservearring. De entree is €15,00. De foarstelling duorret sa'n oardel oere. Yn de foarstelling wurdt sawol Frysk as Nederlânsk praat. De foarstelling is minder geskikt foar minsken mei in scootmobiel, in rolstoel of minsken dy't min rinne kinne. Hawwe jo hjir fragen oer nim dan kontakt mei ús op.
